Valmir Veliu – “Ylli i Javës” në Superligën e Kosovës

13:18 | 28 Shkurt 2022
Lorik Gerbeshi

“YLLI I JAVËS” për xhiron e 22-të në BKT Superligë është shpallur futbollisti i KF Llapi, Valmir Veliu.

Sulmuesi anësor i llapjanëve ishte lojtari më i mirë i ndeshjes në fitoren bindëse që skuadra e tij e arriti në shtëpi ndaj Malishevës, me rezultat 3:0.

Ai shënoi dy gola në këtë ndeshje duke qenë më i merituari për fitoren e 11-të të skuadrës së tij në këtë edicion.

Për Valmir Veliun kjo është hera e dytë në këtë edicion që shpallet “Ylli i Javës”, pasi këtë çmim e kishte fituar edhe në javën e 10-të, kur po ashtu kishte shënuar dy gola.

Fitorja e kësaj jave ia ka mundësuar KF Llapi që ta përforcojë pozitën e katërt në renditje në BKT Superligë me 39 pikë, duke e ruajtur hapin me skuadrat e kreut në garën për titull./Arbersh.info

Shpërndaje në rrjete sociale

Lajmet më të lexuara

Të ngjashme

Foto lajm